اللي هحكية ليكم دلوقتي هو مجموعة من الحادث الغريبة اللي حصلت فى بيت اختي من سنتين او تلاتة .
اللي هحكية دلوقتي من 4 سنين . في الوقت ده ، اختي ربنا رزقها بطفلة وكانو بيخططو لشرا بيت ويقربو من عيلتنا وكانو عايشين في لندن. في الوقت ده ، كان زوج أختي قرب يخلص خدمتة في الجيش وخلاص هيستقر ويكونو اسرة . المهم ، بعد سنه اشترو البيت (وعشان اروح عنده يادوب اعدي الشارع ) و قامو بتجديده لانه كان محتاج شغل كتير . بعد 6 شهور . كانو خلصو الديكورات والدهنات و خلاص استقرو فى البيت. لكن بعد شهر أو شهرين قررت أختي أنها مبقتش تحبه وقرروا الانفصال.
دلوقتي خلصنا الحجات الممله ! لان زوج أختي كان في الجيش لما كان عنده 16 سنه ، قرر الانضمام مرة تانيه و يكمل حياته فيه . في الوقت ده ، احتاجت أختي لشخص يهتم ببنتها و هي في الشغل . في الوقت ده كنت فقدت وظيفتي ، عشان كده قررت اساعدها .
في الليلة دي بالذات كنت نيمت مايغون (بنت أختي) في السرير . بعد كده ، نزلت السلالم عشان اتفرج علي التلفزيون لحد لما وصلت أختي. وبعد حوالي ساعتين حسيت أني كنت متراقبة ، لذلك ذهبت إلى الباب الأمامي لإلقاء نظرة من النافذة لمعرفة ما إذا كان هناك أي شخص لكني مشفتش حاجه . حسيت بخوف علي مايغون وقررت اطلع اشوفها . طلعت علي السلم ولفيت ابص علي اوضة مايغون شفتها نايمه في المدخل . قربت منها وصحيتها بلطف وسألتها انتي نايمه ليه في المدخل. قالت انا نمت هنا عشان فى راجل في ركن الأوضة بيخوفني . انا اتفزعت بس مبينتش خوفي ! ونيمتها في سريرها مره تانية .
في اليوم التاني اختي اتصلت بيا و قالتلي ممكن تاخدي بالك من مايغون . قلتلها طبعا انا جايه البيت دلوقتي . نفس المنظر بيتكرر تاني . حطيتها فى سريرها وبعد ساعتين لقيتها نايمه فى مدخل اوضتها . بس المرة دي كانت خايفة أكثر بكتير ووصفت الراجل بأنه طويل وقبيح ، ورفضت انها تدخل تنام فى اوضتها .
قررت اقول لأختي. كانت شاكه فى الكلام بس مهتمتش بكلامي .
بعد أسبوعين تقريبًا ، اتصلت اختي بأمي وقالت ليها حاسه ان فى حاجه بتراقبني وان بنتها كانت تصرفتها غريبه . ومش عايزه تنام فى اوضتها . قررت أختي إنها تبحث عن تاريخ البيت. اللي عرفته عن طريق الجيران ، كانت في عيلة عايشه في البيت من حوالي 60 سنه . مكونين من رجل و ست و طفل صغير . كان الراجل فيزيائي والست ربة منزل. كانوا عيلة غريبه جدا مش بيخرجو و لا ولا بيسلمو علي حد. لما كانو بيخرجو من البيت ، كانت باصين فى الارض دايما . بيقول الجيران اللي كان سنهم كبير ، إنه تقريبا كانت فى تجارب بتحصل في البيت بس محدش يعرف . مات الراجل في النهاية وقررت مراته بيع البيت والابتعاد.
رجل تاني ومراته اشتروا البيت . و الغريب أن الجار قال لأختي أن كل راجل و مراته اشتروا البيت كان دايما بيحصل انفصال. وده اللي حصل مع اختي فعلا . بعد حوالي سنهكانت علي علاقة براجل تاني وانفصلو كمان . قال الجيران إنهم حضرو طلاق 6 أشخاص متجوزين بسبب البيت .
من حوالي 3 شهور . جابت أختي زميلها فى الشغل يشربو زجاجة من النبيذ ويتكلمو . كانوا قاعدين علي الأريكة بيشربو النبيذ وبيتكلمو ، وكانت زميل اختي بيتفرج علي لوحة وشاف خيال ابيض علي السلم .
اختي استغربت من كلام زميلها ، وعزمت زميلتها ، وهو وسيطه روحانيه . وقالت لاختي فى روح راجل فى البيت وعايزك تعرفي انه موجود وتهتم بيه. اختي ارتاحت شوية انه مش شبح خبيث .
قالتلي اختي اكتر من مره انها شافت خيال ابيض علي السلم بس المرعب انه اتحول للأسود فى الفترة الأخيرة . وقالت انها شافت راجل اسود لما كانت راجع من الشغل و كان بيلف حولين طاول الطعام و كان اسود بالكامل .
لسه الحجات الغريبة بتحصل بس مليش تفسير ليها الا انها خوارق .
أي نصيحة أو مساعدة عن سبب تحول الروح من الأبيض للأسود هكون مبسوطة اوي .
#الماورائي
الرئيسية 
